İDMAN


"Zirə" öz meydanında "Sabah"a uduzub

Bakı, 20 sentyabr, Nicat Məmmədov, AZƏRTAC

Sentyabrın 20-də futbol üzrə Azərbaycan Premyer Liqasında III turun daha bir oyunu keçirilib.

AZƏRTAC xəbər verir ki, "Zirə" doğma meydanda "Sabah"ı qəbul edib.

Zirə İdman Kompleksinin stadionunda keçirilən qarşılaşma qonaq komandanın 2:0 hesablı qələbəsi ilə yekunlaşıb. "Sabah"ın heyətində Xulio Sezar Rodrigez 51-ci dəqiqədə fərqlənib. Görüşün 90+2-ci dəqiqəsində isə Kevin Kubemba fərqi artırıb.

Bu qələbə nəticəsində "Sabah" xallarının sayını 6-ya çatdırıb, cari mövsüm ilk dəfə məğlub olan "Zirə"nin isə 4 xalı var.

Üçüncü tura hazırda oynanılan "Qarabağ"-"Neftçi" matçı ilə yekun vurulacaq.

Qeyd edək ki, turun əvvəlki matçlarında "Sumqayıt" evdə "Səbail"i 2:1 hesabı ilə üstələyib, "Qəbələ" - "Keşlə" qarşılaşmasında qol vurulmayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.