İDMAN


"Zirvə-Astara" komandası basketbol üzrə 2019-cu il dünya turundakı çıxışını davam etdirir

Bakı, 16 avqust, İlyas Zeynallı, AZƏRTAC

"Zirvə-Astara" komandası Beynəlxalq Basketbol Federasiyasının (FİBA) təşkilatçılığı ilə keçirilən 3×3 basketbolu üzrə 2019-cu il dünya turundakı çıxışını davam etdirir.

AZƏRTAC xəbər verir ki, basketbolçularımız Xorvatiya, Polşa, Latviya, Belarus və İsveçrə mərhələlərində qüvvələrini sınayaraq uğur qazanmağa çalışırlar. "Zirvə-Astara"nın heyətində Amil Həmzəyev, Anar Hacıyev, Şarif Uilyams və Marşal Obrian Mozes kimi tanınmış basketbolçular oynayırlar.

Komandamız "Atupri 3×3 Swiss Tour Final Zurich" və "Ghetto Basket Quest Stop" turnirlərindən sonra avqustun 11-də Belarusun paytaxtı Minskdə keçirilən "Palova Round 3" yarışında iştirak edib.

"Zirvə-Astara" A qrupunda yer alıb. Burada ilk matçında "Prinçı Nuri" komandasına 22:14 hesabı ilə qalib gələn komandamız, ikinci matçda "Ostroveç Rosatom"a 14:21 hesabı ilə məğlub olub və qrupda ikinci olub.

Komandamız səkkizdəbir finalda "Vesyolıye Ruçeyki"yə 21:6, dörddəbir finalda isə "Briks"ə 21:19 hesabı ilə qalib gəlib. Turniri əsas heyət oyunçusu Marşal Mozessiz keçirən "Zirvə Astara" yarımfinalda "Mr.Magic"ə 14:21 hesabı ilə məğlub olub və yarışı 4-cü yerdə bitirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.