İQTİSADİYYAT


"Zoodel" elektron ticarət platforması Azərbaycan sahibkarları üçün aksiyaya başlayır

Bakı, 9 iyun, AZƏRTAC

"Zoodel" elektron ticarət platforması Azərbaycanda İxracın və İnvestisiyaların Təşviqi Fondu (AZPROMO) ilə birlikdə ölkəmizdə istehsalçılar və distribüterlər üçün geniş aksiyaya başlayır.

AZPROMO-dan AZƏRTAC-a bildiriblər ki, aksiya zamanı sahibkarlar Zoodel.com saytında 6 ay pulsuz qeydiyyat və məhsulların təşviqi, eləcə də "ZoodMall" mobil proqramından istifadə imkanı əldə edirlər.

Qeyd edək ki, İsveçrənin "OrientSwiss SA" şirkəti "Zoodel" (B2B) və "ZoodMall" (B2C) elektron ticarət platformalarının layihələrini təbliğ edib. Layihənin məqsədi MDB və İpək Yolu ölkələrinin (Azərbaycan, Gürcüstan, İran, İraq, Qırğızıstan, Monqolustan, Pakistan, Rusiya, Belarus, Tacikistan, Əfqanıstan, Türkmənistan, Türkiyə, Özbəkistan, Çin, Hindistan və Livan) istehsalçıları və distribüterlərinə dəstək verməkdir.

"Zoodel"in rəqiblərindən üstünlüyü İpək Yolu ölkələri üzərində fokuslanması və sahibkarlara təlim, marketinq, ticarət tərəfdaşlarının identifikasiyası, logistika, təhlükəsiz ödənişlər, tenderlər və s. xidmətlərin göstərilməsidir.

"Zoodel" istehsalçılara uğurla idxal və ixrac etməyə kömək edir.

"Zoodmall" 7 ölkənin poçt şəbəkələri ilə birgə işlənmiş mobil proqramdır. Qazaxıstan, İran, Özbəkistan, Gürcüstan, Livan, İraq, Əfqanıstan poçt şəbəkələri vasitəsilə "Zoodmall" istehsalçılara, dilerlərə, pərakəndə satış və distribüter şirkətlərinə məhsullarını satmaq ya almaq imkanı verir.

Sahibkarlar, həmçinin öz məhsullarını aparıcı B2C saytlarına (AliExpress, Ebay, Lazada və s.) yerləşdirə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.