"Şeffild Yunayted" və "Sanderlend" komandaları Premyer Liqaya yüksəlmək üçün üz-üzə gələcək
Bakı, 14 may, AZƏRTAC
Çempionşipdən İngiltərə Premyer Liqasına yüksəlmək uğrunda mübarizə davam edir.
AZƏRTAC xəbər verir ki, yarımfinal mərhələsinin cavab oyununda "Sanderlend" "Koventri Siti" ilə qarşılaşıb. Görüş 1:1 hesablı heç-heçə ilə yekunlaşıb. İki qarşılaşmanın nəticəsinə əsasən, rəqibini 3:1 hesabı ilə üstələyən "Sanderlend" pley-off mərhələsinin finalına vəsiqə qazanıb.
Premyer Liqaya yüksəlmək uğrunda həlledici görüş "Şeffild Yunayted" və "Sanderlend" komandaları arasında mayın 24-də Londonda baş tutacaq.
Bölmənin digər xəbərləri
