ABŞ hərbçilərinin fikrincə, taliblər Kabili üç aya ələ keçirə bilərlər
Bakı, 11 avqust, AZƏRTAC
Amerikalı hərbçilərin fikrincə, Əfqanıstanda vəziyyət sürətlə pisləşir və “Taliban” hərəkatı ölkənin paytaxtını üç ay ərzində ələ keçirə bilər.
AZƏRTAC xəbər verir ki, bu barədə “The Washington Post” qəzeti ABŞ hərbi idarəsindəki mənbələrə istinadla məlumat yayıb.
Pentaqonda hesab edirlər ki, Birləşmiş Ştatlar yaxın vaxtlarda amerikalı diplomatların və digər personalın Əfqanıstan paytaxtından təxliyəsinə hazır olmalıdır. Belə ki, hadisələrin inkişafının müxtəlif ssenarilərinə əsasən, Kabil 30-90 gün ərzində taliblərin əlinə keçə bilər.
Amerika Müdafiə Nazirliyinin mətbuat katibi Con Kirbi avqustun 9-da keçirilən brifinqdə Əfqanıstanda təhlükəsizlik sahəsində vəziyyətin arzuolunmaz məcrada inkişaf etdiyini və narahatlıq doğurduğunu, bununla yanaşı “Taliban” hərəkatının hücumları genişləndirdiyini etiraf edib.
Bölmənin digər xəbərləri
