ABŞ HÖKUMƏTİNİN AZƏRBAYCAN HÖKUMƏTİNƏ YARDIMINA MƏHDUDİYYƏTLƏRİN GÖTÜRÜLMƏSİ ƏMƏKDAŞLIĞA YOL AÇIR
PREZİDENT BUŞUN “AZADLIĞA DƏSTƏK AKTI”NA 907-Cİ DÜZƏLİŞİN QÜVVƏSİNİN DAYANDIRILMASI HAQQINDA QƏBUL ETDİYİ QƏRARLA ƏLAQƏDAR AĞ EVİN BƏYANATI
Yanvarın 25-də Prezident Corc Buş “Azadlığa Dəstək Aktı”nın 907-ci bölməsini 2002-ci il üçün qüvvədən salmış və bununla da ABŞ hökuməti tərəfindən Azərbaycan hökumətinə yardım üzərindən məhdudiyyətləri götürmüşdür.
Prezident Buş və onun hökuməti bu bölmənin qüvvəsinin dayandırılması haqqında qərar - səmərəli, düzgün və tarazlı ola biləcək qərar işlənib hazırlanması məqsədi ilə Senatla, Nümayəndələr palatası, Amerikadakı erməni diasporunun üzvləri, Azərbaycan və Ermənistan prezidentləri ilə sıx əməkdaşlıq etmişlər. Bu bölmənin qüvvədən salınması terrorizmlə mübarizədə və terrorçuların Cənubi Qafqaza soxulmasının qarşısının alınmasında ABŞ-ın Azərbaycanla əməkdaşlığını dərinləşdirməyə yol açır, habelə terrorizmlə mübarizənin vahid gündəliyi əsasında Ermənistanla təhlükəsizlik sahəsində əməkdaşlığın genişləndirilməsinin bünövrəsini qoyur.
Prezidentin bu cür qərar qəbul etmək üçün öz hüququndan istifadə etməsi ABŞ, Ermənistan və Azərbaycan arasında təhlükəsizlik sahəsində münasibətlərin yeni sistemini yaratmağa doğru mühüm addımdır. ABŞ hökuməti bu münasibətlərdən Azərbaycanla Ermənistan arasında döyüş əməliyyatlarına yenidən başlanmasının qarşısının alınması, bu iki ölkə arasında barışığa və Dağlıq Qarabağ münaqişəsinin dincliklə nizama salınmasına kömək göstərilməsi üçün istifadə edəcəkdir.
Bölmənin digər xəbərləri
