ABŞ neftin qiymətinə dair proqnozunu azaldıb
Bakı, 13 iyun, AZƏRTAC
ABŞ neftin qiyməti üzrə proqnozunu aşağı salıb.
AZƏRTAC ABŞ-ın Enerji İnformasiya Administrasiyasının (EIA) yaydığı məlumata istinadla xəbər verir ki, bu il “Brent” markalı xam neftin bir barrelinin orta qiymətinin 67 dollar olacağı nəzərdə tutulur. EIA-nın əvvəlki proqnoz 70 dollar/barrel idi.
EIA cari ildə “Light” markalı xam neftin qiymətinin isə 59 dollar/barrel təşkil edəcəyini proqnozlaşdırır (əvvəlki proqnoz 63 dollar/barrel idi).
“Proqnozun aşağı istiqamətli dəyişməsinə qlobal neft tələbatına dair artımla bağlı qeyri-müəyyənliklər təsir edib”, - deyə məlumatda bildirilir.
Bölmənin digər xəbərləri
