ABŞ PREZİDENTİNİN QIZI TÜTÜN MAQNATININ OĞLUNA ƏRƏ GEDİR
AZƏRTAC xəbər verir ki, mayın 10-da indiki ABŞ Prezidentinin əkiz qızlarından biri ərə gedir. Cenna Buşun və tütün maqnatının oğlu Henri Hegerin toy mərasimi Buşların Krouforddakı (Texas ştatı) ailə rançosunda keçiriləcək.
Mayın 9-da bəy 30 illiyini bayram etmişdir. Cennanın dediyinə görə, onlar Henri ilə Ağ evdə “dəbdəbəli” toy etmək istəməmişlər və nikah mərasimi “açıq havada” keçiriləcəkdir.
Toya təqribən 200 qonaq dəvət edilmişdir. Onların yarısından çoxu qohumlardır, qalanları isə bəyin və gəlinin yaxın dostlarıdır. Amerikanın “birinci xanımı” Lora Buş toy agentliklərinin xidmətlərindən istifadə etməmək qərarına gəlmişdir - o, qızları ilə birlikdə toy mərasiminin bütün məqamlarını özü planlaşdırmışdır. Muncuqlarla və tikmə ilə bəzədilmiş şleyfli toy paltarını Cenna üçün xüsusi olaraq məşhur Amerika modelyeri Oskar de la Renta tikmişdir.
Bölmənin digər xəbərləri
