ABŞ QOŞUNLARININ YERLƏŞDİRİLMƏSİ MƏSƏLƏSİNƏ YENİDƏN BAXACAQ
Noyabrın 25-də Prezident Corc Buşun Ağ ev tərəfindən yayılmış bəyanatında deyilir ki, bu qərar “soyuq müharibə”nin bitməsindən və belnəlxalq təhlükəsizliyə yeni təhdidlərin meydana çıxmasından irəli gəlmişdir. Bu təhdidlər isə qeyri-sabit rejimlərlə, terrorizmlə və kütləvi qırğın silahları ilə bağlıdır.
C.Buş bildirmişdir ki, dekabrın əvvəllərində müdafiə naziri Donald Ramsfeld və dövlət katibi Kolin Pauell Brüsseldə keçiriləcək müşavirələrdə bu problemi NATO ölkələrindən olan həmkarları ilə müzakirə edəcəklər. Bundan sonra ABŞ-ın yüksək səviyyəli nümayəndə heyətləri Avropa, Asiya ölkələrinin və digər dövlətlərin paytaxtlarında müzakirələri davam etdirəcəklər. Prezident vurğulamışdır ki, onun hökuməti qoşunların yerdəyişməsi və hərbi bazaların ixtisarı məsələlərinin həllində öz müttəfiqlərinin, tərəfdaşlarının, eləcə də ABŞ Konqresinin rəylərini nəzərə alacaqdır.
Bölmənin digər xəbərləri
