ABŞ və Avropada Litvadan gələn naməlum zənglər təhlükəli hesab olunur
Vilnüs, 1 may, AZƏRTAC
Amerikanın bir neçə ştatında Litva prefiksi (+370) ilə daxil olan naməlum zənglər təhlükəli hesab olunub.
AZƏRTAC xəbər verir ki, ABŞ-ın Harrison bölgəsində məsələ artıq polis səviyyəsində nəzarətə götürülüb. Əhaliyə Litvadan gələn zənglərə görə xəbərdarlıq edilib.
Eyni problem Avropa daxilində müşahidə olunur. Belçikadan sonra indi də Litvadan gələn zənglər təhlükə doğurur. Polis xəbərdarlıq edir ki, bu prefiksdən gələn naməlum zəngə cavab verməmək lazımdır. Əks halda, insanların bank hesabları xaker hücumuna məruz qala, habelə nömrələr üçün çox yüksək məbləğdə hesab gələ bilər. Gələn zəngləri blok etmək tövsiyə olunur.
Aygün Əliyeva
AZƏRTAC-ın xüsusi müxbiri
Vilnüs
Bölmənin digər xəbərləri
