Abşeron rayonunda mənzildən 20 min manat dəyərində qızıl-zinət əşyaları oğurlanıb
Bakı, 3 may, AZƏRTAC
Abşeron rayon sakini olan qadın Daxili İşlər Nazirliyinin “102 Zəng Mərkəzi” Xidmətinə müraciət edərək mənzilindən qızıl əşyalarının oğurlandığını xəbər verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, dərhal Abşeron Rayon Polis İdarəsinin əməkdaşları Xırdalan şəhərindəki həmin ünvana gəlib, müvafiq tədbirlər həyata keçiriblər. Araşdırmalar zamanı məlum olub ki, aprelin 15-də həmin mənzildən 20 min manat dəyərində qızıl-zinət əşyaları oğurlanıb.
Keçirilən əməliyyat-axtarış tədbirləri nəticəsində oğurluğun həmin evdə xadimə işləyən Xırdalan şəhər sakini Zivər Rəhimova tərəfindən törədilməsinə əsaslı şübhələr yarandığından o, saxlanılıb.
Faktla bağlı araşdırma aparılır.
Bölmənin digər xəbərləri
