AZƏRTAC xəbər verir ki, Birləşmiş Ərəb Əmirliklərinin Abu Dabi şəhərində soydaşlarımızın iştirakı ilə 31 dekabr - Dünya azərbaycanlılarının həmrəyliyi günü qeyd olunmuşdur.

Azərbaycanın dövlət himni səsləndikdən sonra dünyanın müxtəlif ölkələrində mövcud Azərbaycan icmalarının ölkəmizin xarici siyasətinin təbliği işində böyük məsuliyyət daşıdıqları qeyd olunmuş, ulu öndər Heydər Əliyevin xaricdə yaşayan soydaşlarımızın təşkilatlanması işindəki misilsiz xidmətləri vurğulanmışdır.

Ümummilli liderimizin “Fəxr edirəm ki, mən azərbaycanlıyam” ifadəsinin hər bir azərbaycanlının milli ruhda tərbiyə olunmasında böyük iz qoyduğu xüsusilə qeyd edilmişdir. Tədbirdə Ermənistan-Azərbaycan, Dağlıq Qarabağ münaqişəsindən söhbət açılmışdır.