Bakı, 21 avqust (AZƏRTAC). AFFA-nın baş katibi Elxan Məmmədov beynəlxalq təyinat almışdır.

AFFA-dan AZƏRTAC-a bildirmişlər ki, avqustun 30-da Çex Respublikasının paytaxtı Praqa şəhərindəki Eden stadionunda keçiriləcək UEFA Super Kuboku uğrunda oyunda UEFA-nın nümayəndəsi Elxan Məmmədov olacaqdır.

Super Kubok uğrunda oyunda Çempionlar Liqasının son qalibi “Bayern” (Münxen, Almaniya) və ötən mövsüm UEFA Avropa Liqasında ən yüksək nəticəyə imza atmış “Çelsi” (London, İngiltərə) komandaları qarşılaşacaqlar. Oyun Bakı vaxtı ilə saat 23:45-də başlayacaqdır.