AFR Müdafiə Nazirliyinin Universiteti casusluq üzrə magistr proqramı açır
Berlin, 18 yanvar, AZƏRTAC
Almaniya hökuməti başçısının dəftərxanası Bundesver Universitetində peşəkar kəşfiyyatçıların hazırlığı üzrə proqramın tədris olunması təşəbbüsü ilə çıxış edib.
AZƏRTAC xəbər verir ki, Bundesverə göndərilən bu ideya artıq icra mərhələsindədir. Bundan sonra xüsusi xidmət əməkdaşlarını universitet proqramı çərçivəsində hazırlayacaqlar. Bu, Almaniyada ilk dəfədir həyata keçirilir. Magistraturaya yalnız xüsusi xidmətin, hərbi kəşfiyyatın və müxtəlif nazirliklərin əməkdaşları qəbul ola bilərlər.
Proqram rəsmi şəkildə “təhlükəsizlik məsələləri üzrə kəşfiyyat və tədqiqat” adlanır. Burada kibertəhlükəsizliyə və terrorizmlə mübarizəyə geniş yer ayrılacaq.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
