Afrika İttifaqı Qabondakı çevriliş cəhdini qətiyyətlə pisləyir
Əddis-Əbəbə, 7 yanvar, AZƏRTAC
Afrika İttifaqı Qabonda bir qrup hərbçinin çevriliş cəhdini qətiyyətlə pisləyir.
AZƏRTAC xəbər verir ki, bu barədə İttifaq komissiyasının sədri Musa Faki Mahamat öz “Twitter” səhifəsində yazıb.
“Afrika İttifaqı bu gün səhər Qabonda baş verən çevriliş cəhdini qətiyyətlə pisləyir. Mən Afrika İttifaqının hakimiyyətin konstitusiyadan kənar istənilən üsulla dəyişdirilməsinin qəbulolunmazlığı barədə mövqeyini bir daha ifadə edirəm”, - deyə sədr vurğulayıb.
Qeyd edək ki, bu gün səhər saatlarında Qabonun paytaxtı Librevildə bir qrup hərbçi dövlət radiostansiyanı ələ keçirərək milli bərpa şurasının yaradıldığı barədə bəyanat vermişdilər. Bir neçə saatdan sonra qiyamçılar həbs edilib.
Asya Hacızadə
AZƏRTAC-ın xüsusi müxbiri
Əddis-Əbəbə
Bölmənin digər xəbərləri
