Ağcabədi, 13 avqust (AZƏRTAC). Ağcabədi rayonunda əhaliyə göstərilən rabitə xidmətinin səviyyəsi yüksəlir.

Rayon İcra Hakimiyyətindən AZƏRTAC-a bildirmişlər ki, cari ildə 130 yeni telefon xətti çəkilmiş, abonentlərin sayı 12 min 433-ə çatmışdır. Ağabəyli kəndində yeni elektron avtomat telefon stansiyası tikilərək birləşdirici xətt çəkilmiş, Kürdlər-Minəxorlu və Kürdlər-Qiyamadınlı kəndləri arası 10 kilometr FO kabeli ilə birləşdirici xətt tikilmişdir. Rayonun 11 kəndində yüksək sürətli internet avadanlığı quraşdırılaraq sakinlərin istifadəsinə verilmişdir.

Hazırda rayonda yüksək sürətli internet kanalların sayı 1800, internet istifadəçilərinin sayı 1365 nəfərdir.