ALİ MƏKTƏB TƏLƏBƏLƏRİ ARASINDA İNFORMATİKA ÜZRƏ ÜMUMRESPUBLİKA OLİMPİADASI KEÇİRİLİR
Bakı, 5 aprel (AZƏRTAC). Qafqaz Universitetində ali məktəb tələbələri arasında 17 May-Dünya Telekommunikasiya və İnformasiya Cəmiyyəti gününə həsr olunan informatika üzrə ümumrespublika olimpiadası keçirilir.
Heydər Əliyev Fondu, Rabitə və İnformasiya Texnologiyaları, Təhsil nazirlikləri, Azərbaycan Milli Elmlər Akademiyasının İnformasiya Texnologiyaları İnstitutu tərəfindən keçirilən olimpiadanın birinci mərhələsində 7 universitetdən (Azərbaycan Dövlət Neft Akademiyası, Bakı Dövlət Universiteti, Qafqaz Universiteti, Azərbaycan Texniki Universiteti və s.) 31 komanda iştirak etmişdir.
Onlara təqdim olunan müvafiq 7 məsələnin həlli üçün 4 saat vaxt verilmişdir. Uğur qazanan komandalar mayın 3-də keçiriləcək final mərhələsində iştirak edəcəklər.
Qaliblərə mükafatlar veriləcəkdir.
######
Bölmənin digər xəbərləri
