ALİM GÜNƏŞ ADALARINDAN ENERJİ ALMAĞI TƏKLİF EDİR
AZƏRTAC xəbər verir ki, alim Tomas Hinderlinq energetika məsələlərindən bəhs edən “The Oil Drum” saytında elektrik enerjisi hasilatının yeni üsuluna həsr olunmuş məqalə dərc etdirmişdir.
O, okeanda günəş batareyaları ilə örtülmüş adalar yaratmağı təklif edir. Adalar karkasa bərkidilmiş plastikdən ibarət olacaqdır.
Ehtimal olunur ki, günəşli havada bu cür adaların bir kvadratmetri 250 vat, ildə 220 kilovat-saat elektrik enerjisi istehsal edə biləcəkdir. Günəş enerjisinin elektrik enerjisinə çevrilməsi əmsalı 10 faizdən artıq olmayacaqdır. Radiusu bir kilometr yarım olan ada 0,96 hiqovat, ildə 1,5 milyon kilovat enerji hasil edəcəkdir. Bu, kiçik atom elektrik stansiyasının gücünə bərabərdir.
Hinderlinqin təklif etdiyi sxem enerjinin 1 kilovat-saatı 12 sentdən satıldıqda özünü doğruldur. Güman ki, günəş batareyalarının sayı artırılarsa, xərcləri azaltmaq mümkündür. Bir kilovat-saatın qiyməti 17 sent olduğu təqdirdə, günəş adasına qoyulan sərmayədən 4 faizdən artıq gəlir əldə etmək mümkün olacaqdır.
