Bakı, 19 yanvar (AZƏRTAC). Almaniya ilə Azərbaycanın iqtisadi əməkdaşlığı çox gözəl səmərə verir. Bu, özünü Almaniyanın ən yeni texnologiyalarının tətbiq olunduğu müasir tikinti materialları zavodunda da əyani şəkildə göstərir.

AZƏRTAC xəbər verir ki, bu sözləri Almaniyanın tanınmış “Wehrhahn” şirkətinin nümayəndəsi Lutz Vaxe jurnalistlər ilə görüşdə bildirmişdir.

O əlavə etmişdir ki, müəssisə beynəlxalq standartlara cavab verir. Belə ki, tam avtomatlaşdırılmış zavodda tullantısız beton istehsalı prosesi təşkil edilmiş, işçilər Almaniyada təcrübə keçmişlər.