Almaniyanın daxili işlər naziri miqrantların ölkədən çıxarılmasını sürətləndirəcəkmi?
Berlin, 19 mart, AZƏRTAC
Almaniyanın yeni daxili işlər naziri Xorst Zeexofer qeyri-leqal miqrantların ölkədən çıxarılması prosesini sürətləndirmək niyyətindədir. AZƏRTAC xəbər verir ki, nazir ARD telekanalına müsahibəsində Almaniyada sığınacaq verilməmiş əcnəbilərin bu ölkədən deportasiyasında “real problem”in yarandığını söyləyib. Onun nazir vəzifəsində ilk addımlarından biri bu vəziyyətin aydınlaşdırılması olacaq.
“Niyə bu belədir, hansı prosedurları dəyişdirmək lazımdır?”, - sualını qoyan Zeexofer “müvafiq tədbirlər görmək” niyyətində olduğunu bildirib.
Onun sözlərinə görə, bu tədbirlərə miqrantların gəldikləri ölkələrlə müqavilələr, nəzarətin gücləndirilməsi daxildir. Bundan başqa, həkim arayışları ilə fırıldaqların qarşısını tam almaq və miqrantların indentifikasiyası problemini həll etmək lazımdır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
