Almaniyanın Hessen əyalətində silahlı insident zamanı iki nəfər güllələnib
Berlin, 20 aprel, AZƏRTAC
Almaniyanın Hessen əyalətindəki Bad Nauhaym şəhərində silahlı insident baş verib.
AZƏRTAC “Bild” qəzetinə istinadla xəbər verir ki, atışma nəticəsində iki nəfərin güllələndiyi bildirilir. Hadisə ilə əlaqədar əraziyə xeyli sayda polis əməkdaşı, xüsusi təyinatlılar və helikopter cəlb olunub. Xəsarət alanlar barədə məlumat verilməyib.
Silahlı insidentdə iştirak edən şəxslərin axtarışları davam etdirilir. Polis əhaliyə xəbərdarlıq edərək mümkün olduqca evdən çıxmamaları, yollarda tanımadıqları şəxsləri avtomobillərinə mindirməmələri barədə xəbərdarlıq edib.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
