ALMANİYANIN HÖKUMƏT BAŞÇISI İLK DƏFƏ OLARAQ İKİNCİ DÜNYA MÜHARİBƏSİ QALİBLƏRİNİN YUBİLEY MƏRASİMİNƏ DƏVƏT ALMIŞDIR
AZƏRTAC-ın xüsusi müxbiri xəbər verir ki, 2004-cü il iyunun 6-da qalib dövlətlər ikinci cəbhənin açılmasının 60 illiyini Normandiyada təntənəli şəkildə qeyd etməyə hazırlaşır. İlk dəfə olaraq Almaniyanın hökumət başçısı da yubiley mərasimində iştirak edəcəkdir. Xatırladaq ki, 10 il bundan öncə sabiq federal kansler Helmut Kol 50 illik yubiley mərasiminə dəvət olunmamışdı.
Federal hökumətin mətbuat xidmətinin məlumatına görə, Fransa Prezidenti Jak Şirakın dəvətini məmnunluqla qəbul edən federal kansler Qerhard Şröder bu dəvətin rəmzi məna daşıdığını vurğulayaraq demişdir ki, zəmanə artıq dəyişməkdə davam edir, Almaniya üçün müharibədən sonrakı dövr artıq arxada qalmış, yeni Almaniya erası başlanmışdır.
Almaniya qəzetləri yazır ki, Böyük Britaniya kraliçası II Elizabet, İngiltərənin baş naziri Toni Bleyer, Rusiya Prezidenti Vladimir Putin, Polşa Prezidenti Aleksandr Kvasnevski, habelə dünyanın bir çox ölkəsindən antifaşist müqavimət hərəkatının iştirakçıları yubiley mərasimində iştirak etməyə razılıqlarını bildirmişlər. ABŞ Prezidenti Corc Buşdan isə hələ cavab alınmamişdir.
Bölmənin digər xəbərləri
