AMEA-nın əməkdaşı Türkiyədə beynəlxalq konfransda iştirak edib
Bakı, 29 aprel, AZƏRTAC
Azərbaycan Milli Elmlər Akademiyasının (AMEA) Rəyasət Heyəti aparatının şöbə müdiri Rzaqulu Hacıyev İstanbulda keçirilən VIII Beynəlxalq Hüquq və Cəmiyyət konfransında iştirak edib.
AMEA-dan AZƏRTAC-a bildirilib ki, tədbirdə hüquq elminin müxtəlif problemləri, xüsusilə də rəqəmsallaşma dövründə hüquq anlayışı ətrafında məruzələr dinlənilib, geniş müzakirələr aparılıb.
Səfər çərçivəsində Rzaqulu Hacıyev Fatih Sultan Mehmet Vakıf Universitetinin rəhbərliyi və hüquq fakültəsinin tələbələri ilə görüşüb, AMEA-nın fəaliyyəti haqqında məlumat verib, əməkdaşlıq imkanlarını müzakirə edib.
Bölmənin digər xəbərləri
