AMEA-nın müxbir üzvü ICTACSE-2019 beynəlxalq konfransının elmi komitəsinin üzvü seçilib
Bakı, 29 aprel, AZƏRTAC
Azərbaycan Milli Elmlər Akademiyasının (AMEA) İnformasiya Texnologiyaları İnstitutunun şöbə müdiri, AMEA-nın müxbir üzvü Ramiz Alıquliyev bu il oktyabrın 11-12-də “Nəzəri və tətbiqi kompüter elmləri və mühəndislik” mövzusunda keçiriləcək beynəlxalq konfransın (ICTACSE-2019) elmi komitəsinin üzvü seçilib.
İnstitutdan AZƏRTAC-a bildirilib ki, İstanbulda təşkil olunacaq konfransda bioinformatika, “Data Mining”, distant təhsil, e-dövlət, e-tibb, qeyri-səlis məntiq, informasiya təhlükəsizliyi və risklərin idarə olunması, informasiya texnologiyaları üzrə layihələrin idarə olunması, “ağıllı” sensor şəbəkələri, proqram mühəndisliyi, obrazların tanınması və digər istiqamətlərdə müzakirələr aparılacaq.
Bölmənin digər xəbərləri
