Amerikanın “CBS News” telekanalın prezidenti ilk dəfə qadın olacaq
Bakı, 7 yanvar, AZƏRTAC
Amerikanın “CBS News” telekanalının prezidenti Devid Rods vəzifəsindən ayrılır. Onun yerinə şirkətin icraçı prodüseri Syuzen Zirinski təyin olunub.
AZƏRTAC ria.ru saytına istinadla xəbər verir ki, D.Rods bu barədə öz “Twitter” səhifəsində məlumat yayıb. Qeyd edib ki, tezliklə “CBS News”-a Syuzen Zirinski rəhbərlik edəcək. D.Rods, həmçinin bildirib ki, o, martın 1-dən telekanalda baş məsləhətçi vəzifəsinin funksiyalarını yerinə yetirəcək.
“Los Angeles Times” qəzeti məlumat yayıb ki, S.Zirinski “CBS News” telekanalına bu ilin martından başçılıq edəcək. Qeyd olunur ki, S.Zirinski bu vəzifədə ilk qadın olacaq.
Bölmənin digər xəbərləri
