Anar İsgəndərov: İkinci Dünya müharibəsində iştirak edən azərbaycanlılardan 123-ü yüksək ada layiq görülüb
Bakı, 10 aprel, AZƏRTAC
Vətən üçün vuruşanlar heç vaxt unudulmamalıdır. Bu gün İkinci Dünya müharibəsində iştirak edənlərdən kimlər yaşayırsa, onlar bizlərə əmanətdir.
AZƏRTAC xəbər verir ki, bunu Milli Məclisin Elm və təhsil komitəsinin sədri, deputat Anar İsgəndərov "Azərbaycanın İkinci Dünya savaşında rolu” mövzusuna həsr edilmiş konfransda çıxış edərkən deyib.
Deputat bildirib ki, İkinci Dünya müharibəsində iştirak edən azərbaycanlılardan 123-ü yüksək ada layiq görülüb: "Onlar həqiqi mənada Vətən üçün əllərindən gələni etdilər. Bu müharibə nəhəng dövlətlərin müharibəsi idi. Azərbaycan bu müharibəyə təkcə əsgər yox, həm də neftini, təyyarələr üçün yanacağı göndərib. Azərbaycanın nefti olmasa idi, bu müharibədə qələbə qazanılmazdı. Biz ata-babalarımızın qəhrəmanlığını unutmamalıyıq", - deyə komitə sədri bildirib.
Bölmənin digər xəbərləri
