Bakı, 10 may (AZƏRTAC). Mərkəzi Bankın mətbuat xidmətindən bildirmişlər ki, aprelin 1-nə Azərbaycan üzrə bankomatların sayı 1.715 ədəd olmuşdur. Bu göstərici ötən ilin müvafiq dövrü ilə müqayisədə 139 ədəd çoxdur. Bankomatların 967-si Bakı şəhərində, 748-i isə digər şəhər və rayonlarda yerləşir.

Bu dövrdə Azərbaycan üzrə pos-terminalların sayı 8.737 ədəd olmuşdur. Bu göstərici ötən ilin müvafiq dövrü ilə müqayisədə 327 ədəd çoxdur. Cari dövrdə pos-terminalların 7.950-si Bakı şəhərində, 787-si isə digər regionlarda yerləşir.