AQUPDK: Neftçalada erkən nikahın qarşısı alınıb
Bakı, 12 iyun, AZƏRTAC
İyunun 11-12-də “Azərbaycan Uşaqları” İctimai Birliyinin nümayəndələrinin Neftçala rayonuna səfəri olub.
Ailə, Qadın və Uşaq Problemləri üzrə Dövlət Komitəsindən AZƏRTAC-a bildiriblər ki, səfər çərçivəsində Neftçala rayonunda Uşaq Forum Teatrı-İncəsənət əsaslı öyrənmə layihəsinin növbəti təlimləri keçirilib.
“Azərbaycan Uşaqları” İctimai Birliyinə daxil olan məlumat əsasında Neftçala rayonunda bu gün erkən nikahın qarşısı alınıb. Belə ki, 17 yaşlı qızın özündən 10 yaş böyük olan biri ilə iyunun 22-də evləndiriləcəyi ilə bağlı Birliyə daxil olan məlumat dərhal Azərbaycan Respublikasının Daxili İşlər Nazirliyi və Ailə, Qadın və Uşaq Problemləri üzrə Dövlət Komitəsinə yönləndirilib.
Hadisə ilə bağlı araşdırılma aparılıb fakt təsdiqini tapıb. Erkən nikahın qarşısı alınıb.
Qeyd edək ki Uşaq Forum Teatrı-İncəsənət əsaslı öyrənmə layihəsi Qeyri-Hökumət Təşkilatlarına Dövlət Dəstəyi Agentliyinin qrantı hesabına reallaşdırılır.
Bölmənin digər xəbərləri
