ARDNŞ TƏRƏFİNDƏN BÜDCƏ ÖDƏNİŞLƏRİ ARTMIŞDIR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, şirkət 2008-ci ilin aprelində dövlət büdcəsinə 117 milyon 217 min manat, Dövlət Sosial Müdafiə Fonduna 8 milyon 989 min manat ödəmişdir.
Cari ilin yanvar-aprelində isə bu rəqəmlər analoji olaraq 371 milyon 764 min manat və 32 milyon 712 min manat təşkil etmişdir.
Hər iki ödənişin məbləği 2007-ci ilin eyni dövründən müvafiq olaraq apreldə 168,5 faiz və 154,5 faiz, 4 ay ərzində isə 143,8 və 145,6 faiz çoxdur.
Bölmənin digər xəbərləri
