ARDNŞ Türkiyədəki sərmayəsinin həcmini artırmışdır
Ankara, 1 yanvar (AZƏRTAC). Türkiyənin “TURCAS” şirkəti ilə ortaqlıq şərtlərində dəyişiklik edən Azərbaycan Respublikasının Dövlət Neft Şirkəti (ARDNŞ) qardaş ölkədə sərmayəsinin həcmini 1,3 milyard dollar artırmışdır.
“SOCAR-TURCAS Enerji A.Ş”nin açıqlamasına görə, hazırda hissələrini yenidən formalaşdıran şirkətin sərmayələrinin ümumi həcmi 7 milyard dollardan çoxdur. “Petkim” yarımadasındakı “Star” neft emalı zavodunun inşası üzrə infrastruktur işləri davam etdirilir və iindiyədək bu məqsəd üçün 100 milyon dollardan çox vəsait xərclənmişdir.
Cari ilin ikinci yarısında tenderlər başa çatacaqdır. Yeni sərmayələrin 1 milyard dolları isə neft emalı zavodu ilə yanaşı, enerji stansiyasının qurulmasına sərf olunacaqdır.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
