Astana Aİ-nin Qazaxıstanın sanksiyalardan yayınmasına qarşı çıxmaq planları ilə bağlı xəbərlərə cavab verib
Astana, 11 sentyabr, AZƏRTAC
Qazaxıstan Avropa İttifaqından qondarma antisanksiyadan yayınma vasitəsinin istifadəsi ilə bağlı heç bir rəsmi bildiriş və ya kommunikasiya almayıb.
AZƏRTAC Qazaxıstan mediasına istinadla xəbər verir ki, bu barədə Qazaxıstan Respublikası Ticarət və İnteqrasiya Nazirliyinin məlumatında deyilir.
Nazirlik qeyd edib: “Biz Aİ tərəfdaşlarımızla daimi dialoqdayıq. Belə ki, əvvəllər aparılmış danışıqların yekunlarına əsasən, Qazaxıstan kömürünün Rusiya limanları vasitəsilə tranziti ilə bağlı məsələni həll edə bilmişik və onu məhdudiyyətlərdən götürmüşük. Digər sahələrdə də iş analoji aspektdə - xarici iqtisadi fəaliyyətin şəffaflığının təmin edilməsi, milli maraqların qorunması və ticarətin dayanıqlığının təmin edilməsi kontekstində aparılacaq”.
Məlumatda vurğulanıb ki, Qazaxıstan öz beynəlxalq öhdəliklərini ardıcıl və sistemli şəkildə yerinə yetirir, məhdudlaşdırıcı tədbirlərdən yayınmaq üçün ərazisindən istifadənin qarşısını almaq üzrə tədbirlər görür. Daha əvvəl “Bloomberg” agentliyi öz mənbələrinə istinadla xəbər vermişdi ki, Avropa İttifaqı ilk dəfə olaraq Qazaxıstana qarşı sanksiyalardan yayınmağa qarşı alətdən istifadə imkanını müzakirə edir.
AZƏRTAC-ın xüsusi müxbiri
Astana
Bölmənin digər xəbərləri
