Astara, 14 aprel (AZƏRTAC). Astara Olimpiya İdman Kompleksində yuniorlar arasında cüdo üzrə 35-ci ənənəvi beynəlxalq turnir start götürmüşdür. İki dəfə Sovet İttifaqı qəhrəmanı, general-mayor Həzi Aslanovun xatirəsinə həsr edilmiş bu turnirdə Azərbaycan idmançıları ilə yanaşı Türkiyə, Rusiya, Gürcüstan, Qazaxıstan və İranı təmsil edən 200-ə yaxın cüdoçu mübarizə aparır.

Yarışlar Azərbaycan Respublikası Gənclər və İdman Nazirliyi, Azərbaycan Cüdo Federasiyası və Bakı şəhəri İdman və Gənclər Baş İdarəsinin birgə təşkilati dəstəyi ilə keçirilir.