Astara, 17 oktyabr (AZƏRTAC). Astaralı atletlər İsmayıllı şəhərində keçirilən kross qaçışı üzrə Azərbaycan çempionatında 3 qızıl, 1 gümüş və 1 bürünc medala sahib olmuşlar.

AZƏRTAC xəbər verir ki, rayonun yığma komandası ümumi hesabda Bakı və Sumqayıt komandalarını üstələyərək birinci yerə layiq görülmüşdür.

Azərbaycan çempionatında astaralı idmançılardan Rəşad Əliyev 10, Əli Şahverdiyev 6 və Arif Qeybiyev 3 kilometr məsafəyə qaçışda qızıl medal qazanmışlar.

Komandanın digər üzvləri - Neyməddin Qənizadə 3 kilometr məsafəyə qaçışda gümüş, İlham Sadiqzadə isə 2 kilometr məsafəyə qaçışda üçüncü nəticə göstərərək bürünc medala layiq görülmüşlər.