Bakı, 2 oktyabr, AZƏRTAC

Audiovizual Şura mütəmadi olaraq televiziya və radioların monitorinqlərini həyata keçirir. Monitorinqlər sayəsində bir sıra pozuntular aşkarlanıb və müvafiq televiziya kanallarına xəbərdarlıq edilib.

AZƏRTAC xəbər verir ki, bu fikirləri Audiovizual Şuranın Aparat rəhbəri Fazil Novruzov “Uşaqların informasiya təhlükəsizliyi: problemə kompleks yanaşma” mövzusunda oktyabrın 2-də keçirilən konfransda deyib.

Şuranın regional yayımçılarla da sıx əlaqə saxladığını diqqətə çatdıran Fazil Novruzov təhlükəsizlik məsələləri ilə bağlı koordinasiyalı işin əhəmiyyətini vurğulayıb və maarifləndirmə işlərinin aparılmasının əhəmiyyətini qeyd edib.