Bakı, 13 avqust (AZƏRTAC). Sumqayıt şəhər sakini Novruz Babayev, ona məxsus “Daewoo” markalı avtomaşından 50 manat pulu oğurlamağa cəhd edən Məhəbbət Cəfəri yaxalamış və Sumqayıt Şəhər Polis İdarəsinin 4-cü bölməsinə təhvil vermişdir.

Abşeron Rayon Polis Şöbəsinin əməkdaşları isə Bakı şəhər sakini Nəcməddin Xibiyevi saxlamışdır.

N.Xibiyev Müşfiq Həsənova məxsus “VAZ-2107” markalı avtomaşından maqnitofonu və ehtiyat təkərini oğurlamaqda şübhəli bilinir.

Daxili İşlər Nazirliyinin mətbuat xidmətindən AZƏRTAC-a bildirmişlər ki, hər iki faktla bağlı cinayət işi açılmışdır, araşdırmalar aparılır.