Azərbaycan alimi beynəlxalq tədbirdə müvafiq sertifikata layiq görülüb

03.11.2014 [01:29]
Çap et
A⁺ A^-

Bakı, 3 noyabr, AZƏRTAC

İspaniyanın Barselona şəhərində Avrasiya Biznes və İqtisad Cəmiyyətinin 14-cü Beynəlxalq konfransı keçirilib.

AMEA-nın Akademik Həsən Əliyev adına Coğrafiya İnstitutundan AZƏRTAC-a bildiriblər ki, beynəlxalq tədbirdə institutun aparıcı elmi işçisi, coğrafiya üzrə fəlsəfə doktoru Rövşən Kərimov iştirak edib.

Dünyanın 61 ölkəsindən 450-dən çox tədqiqatçının qatıldığı konfransda R. Kərimov “Azərbaycanın regionlarında qeyri-neft sektorunun inkişafı: meyllər və perspektivlər” mövzusunda məruzə ilə çıxış edib.

Tədbirdə Azərbaycan alimi müvafiq sertifikata layiq görülüb.

Qeyd edək ki, R. Kərimov Azərbaycan Respublikasının Prezidenti yanında Elmin İnkişafı Fondun maliyyə dəstəyi ilə konfransda iştirak edib.