AZƏRBAYCAN–BİRLƏŞMİŞ ƏRƏB ƏMİRLİKLƏRİ BİZNES FORUMU KEÇİRİLƏCƏKDİR
AZƏRTAC xəbər verir ki, Birləşmiş Ərəb Əmirliklərinin (BƏƏ) xarici ticarət naziri xanım Şeyxə Lübnə bint Xalid Əl-Qasiminin Azərbaycana rəsmi səfəri çərçivəsində Azərbaycanda İxracın və İnvestisiyaların Təşviqi Fondu (AZPROMO) mayın 26-da İqtisadi İnkişaf Nazirliyinin dəstəyi ilə Beynəlxalq Ticarət Mərkəzində Azərbaycan-BƏƏ Biznes Forumu keçiriləcəkdir.
BƏƏ tərəfdən tədbirdə dövlət rəsmiləri ilə yanaşı, 10-dan artıq iri şirkətin rəhbəri və nümayəndəsinin iştirakı nəzərdə tutulmuşdur. Onlar, əsasən, enerji, tikinti, sənaye, mühəndislik, investisiya, informasiya texnologiyaları, səhiyyə və s. sektorları təmsil edirlər.
Tədbir zamanı Azərbaycan və BƏƏ iş adamları arasında ikitərəfli görüşlər də keçiriləcəkdir.
Bölmənin digər xəbərləri
