Bakı, 17 oktyabr (AZƏRTAC). Qazaxıstanın Almatı şəhərində usta boksçular arasında dünya çempionatı davam edir.

AZƏRTAC xəbər verir ki, çempionatda Azərbaycanı təmsil edən boksçu Pərviz Bağırov (69 kq) Yu-Jen Vanqla (Çin) görüşmüşdür. Döyüş vaxtından əvvəl idmançımızın xeyrimizə başa çatmışdır. İkinci raunda noqdauna düşmüş rəqib, döyüşü davam etdirə bilməmişdir.

Çempionatın 1/16 finalında P.Bağırov moldovalı Vasili Belousla üz-üzə gələcəkdir.

Digər boksçumuz Rauf Rəhimov (81 kq) polşalı Mateuş Triklə qarşılaşacaqdır.

Qeyd edək ki, idmançılarımız Elvin İsayev (60 kq) və Heybətulla Hacəliyev (64 kq) birinci turun rinqini qələbə ilə tərk etmişdilər.