Bakı, 12 avqust (AZƏRTAC). Böyük Britaniyanın paytaxtı Londonda XXX Yay Olimpiya Oyunları davam edir.

AZƏRTAC xəbər verir ki, səkkizdəbir final mərhələsində belaruslu Ruslan Şeyxovu yarışdan kənarlaşdıran sərbəst güləşçimiz Xetaq Qazyumov (96 kq) dörddəbir finalda Valeri Andritsevə (Ukrayna) məğlub olmuşdur.

V.Andritsev yarımfinalda Reza Mohammed Ali Yazdaniyə (İran) qalib gəlmişdir. Ukraynalı güləşçinin finala yüksəlməsi və iranlı idmançının zədələnməsi X.Qazyumovun birbaşa bürünc medal uğrunda mübarizə aparması ilə nəticələnmişdir.

Üçüncü yer uğrunda görüşdə güləşçimiz Tacikistan idmançısı Rüstəm İsgəndəriyə qalib gələrək London Yay Olimpiya Oyunlarının bürünc medalını qazanmışdır.