AZƏRBAYCAN HƏRBÇİLƏRİ NATO-NUN TƏDBİRLƏRİNDƏ İŞTİRAK EDİRLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO-nun “Sülh naminə tərəfdaşlıq” Proqramı çərçivəsində mayın 19-da Belçikanın paytaxtı Brüsseldə PAP-ın müzakirəsi üçün yekun iclas, mayın 19-dan 26-dək Bakıda “Azərbaycan Respublikası Silahlı Qüvvələrinin NATO-nun Əməliyyat İmkanları Konsepsiyasının Qiymətləndirmə və Rəy Proqramı çərçivəsində Ortaq Qüvvələr Birliyinə bəyan etdiyi OCC bölüyünün 1-ci səviyyəli NATO qiymətləndirilməsi üzrə” təlim keçirilir.
Mayın 20-dən 22-dək Kişinyov şəhərində Cənubi Qafqaz və Moldova “Clearing House” konfransı, mayın 20-dən 23-dək Makedoniyanın Ohrid şəhərində NATO Hərbi Komitəsinin işçi qrupunun qeyri-rəsmi görüşü, Bakıda “NATO-nun Madriddəki Quru Qoşunları Komponent Komandanlığı Qərargahının Mobil Təlim Qrupu tərəfindən QQ-nin rabitə və informasiya sistemləri mövzusunda təlim” kursu keçiriləcəkdir.
NATO ilə Azərbaycan Respublikası arasında imzalanmış fərdi proqrama uyğun olaraq, həmin tədbirlərdə Silahlı Qüvvələrimizin nümayəndələri də iştirak edirlər.
Bölmənin digər xəbərləri
