İQTİSADİYYAT
Azərbaycan növbəti ildə də Gürcüstanın əsas təbii qaz təminatçısı olacaq
Tbilisi, 26 dekabr, AZƏRTAC
Gürcüstan hökuməti 2020-ci il üçün təbii qaz balansını müəyyən edib.
AZƏRTAC xəbər verir ki, İqtisadiyyat nazirinin təsdiq etdiyi sənədə əsasən, ölkənin gələn il üçün təbii qaz istehlakı 2,57 milyard kubmetr müəyyən edilib. Gürcüstanın təbii qaz hasilatının 2020-ci ildə 17,9 milyon kubmetr olacağı proqnozlaşdırılır. Qalan həcmin 2,39 milyard kubmetri və ya 92,7 faizi Azərbaycandan alınacaq. Azərbaycandan idxal olunacaq qazın 1,51 milyard kubmetri SOCAR-ın, 873,8 milyon kubmetri isə “Şahdəniz” konsorsiumundan alınan qazın payına düşəcək.
Gələn il Gürcüstanın Rusiyadan idxal edəcəyi təbii qazın həcmi isə 169,9 milyon və ya ümumi istehlakın 6,6 faizi qədər müəyyən olunub.
Xətayi Əzizov
AZƏRTAC-ın xüsusi müxbiri
Tbilisi