“AZƏRBAYCAN POLİSİ GÜNÜ”NƏ HƏSR OLUNMUŞ TƏNTƏNƏLİ MƏRASİM
AZƏRBAYCAN PREZİDENTİ HEYDƏR ƏLİYEV MƏRASİMDƏ İŞTİRAK ETMİŞDİR
İyulun 2-də “Respublika” sarayında “Azərbaycan polisi günü”nə həsr olunmuş təntənəli mərasim keçirilmişdir.
Azərbaycan Respublikasının Prezidenti Heydər Əliyev mərasimdə iştirak etmək üçün saraya gəldi. Salona toplaşanlar dövlətimizin başçısını hərarətlə qarşıladılar.
Azərbaycanın dövlət bayrağı musiqi sədaları altında səhnəyə gətirildi.
Ölkəmizin dövlət himni əzəmətlə səsləndi.
Mərasimi Azərbaycanın daxili işlər naziri general-polkovnik Ramil Usubov açaraq, daxili işlər orqanlarının fəaliyyəti və qarşıda duran vəzifələri barədə məruzə etdi.
Daxili İşlər Nazirliyinin əməkdaşı, Prezidentin Fərmanı ilə bu günlərdə “Azərbaycan bayrağı” ordeni ilə təltif olunmuş polis polkovniki-leytenantı Vilayət Eyvazov çıxış etdi.
Azərbaycan Prezidenti Heydər Əliyev mərasimdə geniş nitq söylədi. Dövlətimizin başçısının nitqi böyük diqqətlə dinlənildi və dəfələrlə alqışlarla qarşılandı.
Mərasim iştirakçıları adından Prezident Heydər Əliyevə müraciət qəbul edildi.
Rəsmi hissədən sonra incəsənət ustalarının iştirakı ilə bayram konserti oldu.
Milli Məclisin sədri Murtuz Ələsgərov, baş nazir Artur Rasizadə, Prezidentin İcra Aparatının rəhbəri Ramiz Mehdiyev və digər rəsmi şəxslər mərasimdə iştirak edirdilər.
\Mərasim haqqında geniş hesabat qəzetin növbəti nömrəsində dərc olunacaqdır\.
Bölmənin digər xəbərləri
