Azərbaycan Prezidenti əlcəzairli həmkarına başsağlığı vermişdir
Bakı, 12 fevral (AZƏRTAC). Azərbaycan Respublikasının Prezidenti İlham Əliyev Əlcəzair Xalq Demokratik Respublikasının Prezidenti Əbdüləziz Buteflikaya başsağlığı məktubu göndərmişdir.
Dövlətimizin başçısı məktubda Əlcəzairdə baş vermiş təyyarə qəzası nəticəsində çoxsaylı insan tələfatı barədə xəbərdən son dərəcə sarsıldığını bildirmişdir.
Prezident İlham Əliyev bu faciə ilə əlaqədar Əlcəzair Prezidentinə, həlak olanların ailələrinə və yaxınlarına, bütün Əlcəzair xalqına şəxsən öz adından və Azərbaycan xalqı adından dərin hüznlə başsağlığı vermişdir.
Bölmənin digər xəbərləri
