AZƏRBAYCAN PREZİDENTİ İLHAM ƏLİYEV GÜRCÜSTANIN MƏDƏNİYYƏT, ABİDƏLƏRİN QORUNMASI VƏ İDMAN NAZİRİ GEORGİ QABAŞVİLİNİ QƏBUL ETMİŞDİR
Azərbaycan Respublikasının Prezidenti İlham Əliyev oktyabrın 30-da Prezident sarayında Gürcüstanın mədəniyyət, abidələrin qorunması və idman naziri Georgi Qabaşvilini qəbul etmişdir.
Dövlətimizin başçısı Azərbaycan ilə Gürcüstan arasında münasibətlərin müxtəlif sahələrdə, o cümlədən mədəniyyət, idman və digər humanitar sahələrdə uğurla inkişaf etdiyini vurğuladı. Prezident İlham Əliyev bu səfərin ikitərəfli əlaqələrimizin daha da möhkəmlənməsinə xidmət edəcəyinə ümidvar olduğunu bildirdi.
Georgi Qabaşvili Gürcüstan ilə Azərbaycan arasında münasibətlərin müvəffəqiyyətlə inkişafından ölkəsinin məmnunluğunu ifadə etdi. Səfəri müddətində keçirdiyi görüşlər barəsində dövlətimizin başçısına məlumat verən qonaq əlaqələrimizin bundan sonra da genişlənəcəyinə əmin olduğunu bildirdi.
Bölmənin digər xəbərləri
