RƏSMİ SƏNƏDLƏR

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2010-cu il 23 aprel tarixli

75 nömrəli Qərarı (Azərbaycan Respublikasının Qanunvericilik Toplusu, 2010, № 4, maddə 365 (Cild I); 2024, № 3, maddə 315; Azərbaycan Respublikası Nazirlər Kabinetinin 2024-cü il 5 sentyabr tarixli 399 nömrəli Qərarı) ilə təsdiq edilmiş “Ali təhsil pilləsinin dövlət standartı və proqramı”nın 8-ci hissəsində aşağıdakı dəyişikliklər edilsin:

1. 8.3-cü bənd üzrə:

1.1. üçüncü abzasdan “(ixtisaslaşmaların)” sözü çıxarılsın;

1.2. beşinci abzasdan “(ixtisaslaşmaları)” sözü çıxarılsın və həmin abzasa “standartlarını,” sözündən sonra “ixtisaslaşmaların adlarını (magistratura səviyyəsinə münasibətdə),” sözləri əlavə edilsin.

2. 8.4-cü bənd üzrə:

2.1. birinci abzasdan “(ixtisaslaşmalar)” sözü çıxarılsın;

2.2. dördüncü-yeddinci abzaslar müvafiq olaraq beşinci-səkkizinci abzaslar hesab edilsin və aşağıdakı məzmunda dördüncü abzas əlavə edilsin:

“- ixtisaslaşmaların adları (magistratura səviyyəsinə münasibətdə);”.

3. 8.5-ci bəndin birinci abzasından “(ixtisaslaşmaları)” sözü çıxarılsın.

Əli Əsədov

Azərbaycan Respublikasının Baş naziri

Bakı şəhəri, “ 2 ” “ dekabr ” 2024-cü il

№ 504