Riqa, 17 sentyabr, AZƏRTAC 

Dövlət Avtomobil Nəqliyyatı Xidmətinin rəisi Həbib Həsənovun rəhbərlik etdiyi nümayəndə heyəti Riqadakı Latviya-Azərbaycan Birgə Komissiyasının iclasında iştirak edib.

AZƏRTAC xəbər verir ki, iclasda beynəlxalq avtomobil nəqliyyatı ilə bağlı aktual məsələlər müzakirə olunub. İclasda Azərbaycan və Latviya arasında iqtisadi əlaqələrin inkişafı məqsədilə yükdaşınmalarının həcminin artırılması barədə fikir mübadiləsi aparılıb. Bildirilib ki, Azərbaycan hazırda 80 yükdaşıma şirkəti ilə çalışır və 3000-dən artıq nəqliyyat vasitəsilə logistika xidmətləri həyata keçirir.

İclasda 2020-ci ildə Azərbaycan və Latviya arasında 300 ikitərəfli və tranzit daşınmanın həyata keçirilməsi barədə razılığa gəlinib.

Aygün Əliyeva

AZƏRTAC-ın xüsusi müxbiri

Riqa