AZƏRBAYCANDA GƏMİQAYIRMA VƏ GƏMİ TƏMİRİ ZAVODU İNŞA EDİLƏCƏKDİR
Mayın 19-da Koreya-Azərbaycan iqtisadi əməkdaşlığı üzrə bir sıra anlaşma memorandumları imzalanmışdır.
Azərbaycan İnvestisiya Şirkətindən (AİŞ) AZƏRTAC-a bildirmişlər ki, Azərbaycan Respublikası Dövlət Neft Şirkəti, AİŞ və Koreya Respublikasının “STX Energy” şirkəti arasında ölkəmizdə gəmiqayırma və gəmi təmiri zavodunun inşası layihəsinin həyata keçirilməsində əməkdaşlığa dair Baş saziş imzalanmışdır.
Sənəddə tərəflərin iştirakı ilə birgə müəssisənin yaradılması, layihənin texniki-iqtisadi əsaslandırılmasının hazırlanması, gəmiqayırma sahəsində yeni texnologiyaların tətbiqi, əlavə maliyyə resurslarının cəlb edilməsi və digər müvafiq tədbirlərin görülməsi məsələləri öz əksini tapmışdır.
Razılaşmaya görə, təsis edilməsi nəzərdə tutulan birgə müəssisədə AİŞ-in payı 10 faiz təşkil edəcəkdir.
Bölmənin digər xəbərləri
