Bakı, 25 sentyabr (AZƏRTAC). Azərbaycanda son 10 ildə istifadə olunan radioelektron vasitələrin (REV) sayı 142,9 faiz çoxalmışdır. Qeyd olunan dövrdə Dövlət Radiotezliklər İdarəsində (DRİ) qeydiyyatdan keçmiş istifadə olunan REV-in sayı 18 min 12 ədəd artmışdır.

Son 5 ildə DRİ tərəfindən 550 qeydiyyatsız və qeyri-qanuni istifadə olunan REV aşkar edilmişdir. 2002-ci il yanvarın 1-nə istifadə olunan REV-in sayı 11 min 619 idisə, 2011-ci il yanvarın 1-nə bu göstərici 28 min 228-ə çatmışdır.

İdarənin statistik məlumatına görə, cari il sentyabrın 1-nə Azərbaycanda istifadə olunan REV-in sayı 29 min 631 ədəd təşkil etmişdir.