Bakı, 7 noyabr (AZƏRTAC). Xəbər verildiyi kimi, noyabrın 23-24-də Azərbaycanda FİA GT seriyalı Baku World Challenge beynəlxalq avtomobil yarışı keçiriləcəkdir.

AZƏRTAC xəbər verir ki, Bakıdakı “Crystal Hall”ın ətrafında keçiriləcək yarışda 20 Pro kateqoriyalı, ümumilikdə isə 30 avtomobil birincilik uğrunda mübarizə aparacaqdır. Turnirdə Pro kateqoriyalı maşınlardan əlavə Pro Am classes avtomobilləri də yarışacaqlar.

İştirakçılar seçilmiş 4,38 kilometrlik məsafədə dövrələr vuracaq və paytaxt sakinləri əsrarəngiz şou izləmiş olacaqlar.

Yarış Avropa, Avstraliya, Asiya, Amerika, Yaxın Şərq və Afrikanın, ümumilikdə 175 ölkənin televiziya kanalı vasitəsilə yayımlanacaqdır.