Azərbaycanda qorxulu film çəkilir
Bakı, 8 iyul (AZƏRTAC). Azərbaycan kino tarixində ilk dəfə olaraq qorxulu film çəkilir.
“Qorxu altında” filminin rejissoru Namiq Əlioğlu AZƏRTAC-a bildirmişdir ki, yeni ekran əsərinin süjet xəttini psixi gərginliyi olan insanlar təşkil edirlər. Filmdə 4-5 tələbənin meşədən necə çıxacağı və kimin sağ qalacağından bəhs olunur. Artıq anonsların çəkilişinə başlanılmışdır. Baş rolların ifaçılarının adları hələlik açıqlanmır. Rejissorun sözlərinə görə, bu film Hollivud kinolarından heç də geri qalmayacaqdır.
N.Əlioğlu onu da demişdir ki, bu ekran əsəri Azərbaycan kinosunun inkişafına böyük təkan verəcəkdir.
Bölmənin digər xəbərləri
